Suíoṁ Aonġusa

Fadó, fadó - sna nóchaidí - bhí suíomh, nó mar a thug mé air, líonláithreán agam. Chuaigh mé ar líne go príobháideach. Bhí mé i mBeirlín, agus bhí líne ISDN againn. Thosaigh mé ag tógáil suíomh ar t-online. Nuair a bhog mé abhaile go hÉireann bhí sé ar eircom.net.

Tá sé blianta áfach ó bhí ar mo chumas leasú ar bith a dhéanamh air. Bheartaigh mé é a thabhairt anseo - seo agaibh mar sin

Déantús láimhe go hiomlán a bhí ann - féach ´ seachas á. Is mór idir na haimsiribh. Feabhas millteanach ar uirlisí.

Nod libh go bhfuil fhios agam go maith go bhfuil Gaeilge a chodail amuigh ar an suíomh sin. Bhí an mise sin tríocha bliain ó shin teann as a chuid Gaeilge. Ní raibh mórán cur amach aige ar an nGaeltacht. Bhí sotal na hóige ag baint leis.

Ní thagann ciall roimh aois.

Níl sé i gceist agam na botúin a leasú. Cartlann atá ann anseo, sin uile. Leasóidh mé nascanna más féidir.

Is ó Gaelchló na clónna éagsúla WOFF2 atá in úsáid agam, seachas Fraktur a fuair mé Web Fonts agus atá ceadaithe trí CC BY 4.0

Mise a ghlac aon ghrianghraf agus a rinne na híomhánna freisin, seachas má deirtear a mhalairt.