Treching breth rímedo

Réamhrá

Is ríomhchláraitheoir mé. Ach níl innealtóireacht bogearraí mar an gcéanna le hinnealtóireacht de chineáil eile - ní féidir cobhsaíocht aipe a ríomh chomh soiléir céanna agus is féidir cobhsaíocht droichid. Ar bhealach is ealaín atá san ríomhchlárú - agus tá gaois na gairme bainteach le taithí agus seanchas na ríomhchláraitheoirí a chuaigh romhainn (agus atá fós thart, don gcuid is mó). Tá cuid den ghaois sin cnuasaithe ar na leathanaigh seo agam.

Táim buíoch de David Stifter, a mhúnlaigh an nath thuas bunaithe ar cheist uaimse, a bhí ag lorg leagan cosúil le Trecheng Breth Féne

Treching: tréanna
Breth: breithiúnas
rímedo: duine a bhíonn ag plé le computus (ríomhadh dáta na Cásca) ó cheart. Ach is gléas seachas duine atá i gceist le rímaire anois.

Cré an Ríomhchláraitheora

Mura bhfuil sé tógtha, ní thiomsóidh sé;
Mura bhfuil sé rite, ní rithfidh sé;

Mura bhfuil sé profa, ní oibreoidh sé;
Murar baineadh feidhm as, níl sé ceart;
Mura bhfuil sé sa chóras leaganacha, ní ann dó;
-

Agus mura clamhsán déanta ag duine éigin faoi, níl sé in úsáid!

— Anathnid - aimsithe ar líne & aistrithe agamsa

Nathanna

Is ríomhchláraitheoir maith an té a fhéachann gach treo ag trasnú bóthar aontreo.

— Doug Linder

Ní féidir le tástáil ach cruthú go bhfuil fabht sa bhogearra, ní nach bhfuil siad ann.

— Edsger W. Dijkstra
Notes on Structured Programming

Tá dhá dóigh bogearra a dhearadh:
chomh simplí is gur léir nach bhfuil fabhtanna ann
nó chomh casta is nach léir na fabhtanna ann

— Tony Hoare
Léacht Turing

Cuireann breis daoine a chur le togra a bhfuil moill air breis moill air.

— Barry Boehm

Optamú róluath fréamh gach oilc.

— Donald Knuth
Léacht Duais Turing 1974 - Computer Programming as an Art

Smachtú castachta eisint ríomhchlárú.^[1]

— Brian W. Kernigan

Nuair nach raibh ann d’aon ríomhaire, níorbh fadhb ar bith a bhí san ríomhchlárú. Nuair a bhí na ríomhairí lag, ba fadhb beag a bhí sa ríomhchlárú. Anois agus oll-ríomhairí ann is oll-fhadhb atá sa ríomhchlárú.^[2]

— Edsger W. Dijkstra

Botún a bheadh ann ceapadh gur leis an intleacht amháin a bhaineann réiteach fadhbanna; tá ról thábhachtach ag dúthracht agus mothúcháin

— George Polya
sa leabhar "How to Solve It" a leagann amach modheolaíocht le fadhbanna mata a réiteach.

Múnlaíonn na huirlisí a bhaineann muid feidhm astu muid uilig: go háirithe, múnlaíonn na foirmiúlachais a bhainimid feidhm astú ár nósanna smaointeoireachta, chun leas nó aimhleas, mar sin ní mór dúinn a bheith airdeallach cad a theagascann nó a fhoghlaimímid, mar ní féidir dáiríre dí-fhoghlaim.^[3]

— Edsger Wybe Dijkstra
EWD 1305 Answers to questions from students of Software Engineering

Eolaíocht ná fios a thuigimid sách maith gur féidir linn é a theagasc do ríomhaire; mura dtuigimid rud go hiomlán is ealaíon atá de dhíth chun plé leis.

— Donald Knuth
Léacht Duais Turing 1974 - Computer Programming as an Art