Manannán - Mairéad Ní Ghráda

Réamhrá

Níorbh eol dom an leabhar seo a bheith ann chor ar bith go bhfaca mé tagairt ar BlueSky do bheith ina tagairt luath do mecha, i. róbat ollmhór, bheith ann. Ní raibh cóip ar bith ar fáil ó na leabharlanna poiblí. Shíl mé go mbeadh mé taobh leis an leabharlann náisiúnta chun é a léamh. Ar ámharaí an tsaoil, go gairid tar éis dom é a fhiosrú leo, fuair an siopa leabhar cóip athláimhe, cóip a bhí tráth i leabharlann meánscoile.

Léigh mé le fonn é. Tá neart gnéithe spéisiúla ann. Eolaíocht, mistéir, scéinséir. Scríobhadh é i mbéal an Dara Chogadh Dhomhanda.

An scéal

Tosaíonn an scéal amach le comhrá triúir thart ar bhord dinnéir. Triúr Éireannach, ach aitheantas domhanda acu. ^[1]. Réalteolaí, Fisiceoir agus eitleoir. Tá an réalteolaí, bunaithe ar eolas ó seandálaíocht san Éigipt tar éis fionnachtain a dhéanamh - pláinéid "dofheicthe". Níl ag éirí leis sin a chuir ina luí ar an mbeirt eile - ach tá sé tar éis modh a fhorbairt gur féidir an pláinéid a fheiceáil le cianradharcán. Cuireann sé ina luí ar an mbeirt eile tabhairt faoi thuras a thabhairt air. In eitleáin cóirithe go spéisialta - a eitlíonn go hairde áirithe agus a bhaineann úsáid ina dhiaidh sin as roicéad chun éalú ó imtharraingt an domhain - agus a bhaineann feidhm as imtharraingt an phláinéid nua chun dul chomh fada leis. (Níl easpa imtharraingt le linn an turais luaite.) An triúr acu agus mac an réalteolaí a bhíonn mar folachánaí leo! ^[2]. Tagann siad chomh fada leis an pláinéid nua slán sábháilte. Luaitear gnéithe éagsúla leis agus leis an pobal - daonna - ann. Iad mílítheach, toisc an scamall timpeall ar an cruinne a laghdaíonn an solas gréine. Imtharraingt níos lú. Sochaí faoi smacht ard-mháistir a bhfuil cumas smacht aigne aige. Tarlaíonn eachtraí go leor dóibh - ina measc cumadh an mecha ag an eolaí chun dul i ngleic le harrachtaigh. Le cabhair an mecha a éalaíonn siad sa deireadh, tar éis dóibh formad an ard-mháistir a tharraingt orthu féin.

Tá codanna den eolaíocht sa leabhar cruinn go maith, ach tá bearnaí aite ann. Ach ó tharla gur sna tríochaidí a scríobhadh é, is beag iontas sin is dócha. Agus scéal eachtraíochta do dhéagóirí (fireann?) atá ann.

Thaitin an scéal liom. Ficsean eolaíochta agus eachtraíochta láidir. Scíthléitheoireacht den scoth.

1. N’fheadar an bhfuil an t-uaillmhian sin caillte ag scríbhneoirí na Gaeilge? Feictear dom go raibh na scríbhneoirí do dhéagóirí suas go dtí na seascaidí níos muiníní faoi Éireann a bheith ag tús cadhnaíochta. Deasún Breathnach, abair.

2. Shíl mé go raibh sé ait nach bhfuil de thagairt do mhná ó thús deireadh ach nuachar an réalteolaí - atá ar shlí na fírinne!